ਆਉਣ ਵਾਲੀ ਬੰਨੋ ਨੂੰ ਮੁਖਾਤਿਬ ਗੀਤ:

ਤੂੰ ਆ ਜਾ ਇਸ ਵਿਹੜੇ ਵਿੱਚ ਪੁੰਨਿਆ ਦੀ ਰਾਤ ਬਣਕੇ

ਤੂੰ ਆ ਜਾ ਇਸ ਵਿਹੜੇ ਵਿੱਚ ਪੁੰਨਿਆ ਦੀ ਰਾਤ ਬਣਕੇ

ਤਾਰੇ ਉਡੀਕਦੇ ਨੇ ਤੈਨੂੰ  ਬਰਾਤ ਬਣਕੇ

ਤੂੰ ਆ ਜਾ ਇਸ ਵਿਹੜੇ ਵਿੱਚ ਸੱਜਰਾ ਗੁਲਾਬ ਬਣਕੇ

ਪਾਣੀ ਉਡੀਕਦੇ ਨੇ  ਤੈਨੂੰ ਚਨਾਬ ਬਣਕੇ

ਤੂੰ ਆ ਜਾ ਇਸ ਵਿਹੜੇ ਵਿੱਚ ਸੂਹੀ ਸਵੇਰ ਹੋ ਕੇ

ਸੂਰਜ ਉਡੀਕਦਾ ਹੈ ਕਿਰਨਾਂ ਦਾ ਤੇਲ ਚੋ ਕੇ

ਤੂੰ ਆ ਜਾ ਇਸ ਵਿਹੜੇ ਵਿੱਚ ਪਰੀਆਂ ਦਾ ਗੀਤ ਹੋ ਕੇ

ਖੁੱਲ੍ਹੇ  ਨੇ ਬੂਹੇ  ਸਾਰੇ  ਸੁੱਚੀ ਪ੍ਰੀਤ ਹੋ ਕੇ

ਤੂੰ ਆ ਜਾ ਇਸ ਵਿਹੜੇ ਵਿੱਚ ਮਖਮਲ 'ਤੇ ਪੱਬ ਧਰਕੇ

ਪਾਣੀ ਦੀ ਥਾਵੇਂ ਵਾਰਾਂ ਗੜਵੀ ’ਚ ਦੁੱਧ ਭਰਕੇ

ਇਸ ਵਿਹੜੇ ਦਾ ਹਰ ਕੋਨਾ, ਤੇਰੇ ਤੋਂ ਵਾਰੀ ਜਾਵੇ

ਚਮਕਣ  ਨਸੀਬ ਤੇਰੇ, ਰੱਬ ਰਾਜ-ਭਾਗ ਲਾਵੇ !