ਨਿੱਕੀ ਨਿੱਕੀ ਗੱਲੇ, ਦਿਲ
ਰੋਣ ਨੂੰ ਕਰੇ
ਨਿੱਕੀ ਨਿੱਕੀ ਗੱਲੇ, ਦਿਲ
ਰੋਣ ਨੂੰ
ਕਰੇ
ਹਾਇ ਓ ਰੱਬਾ
! ਤੇਰੇ ਕੋਲ ਆਉਣ ਨੂੰ ਕਰੇ..
ਜੇਰਾ ਨਹੀਂਓਂ ਹਿਜਰਾਂ ਦੇ ਗੀਤ ਗਾਉਣ ਦਾ
ਮਘਦੇ ਅੰਗਾਰ ਤਲੀ 'ਤੇ ਟਿਕਾਉਣ ਦਾ
ਸਿਵਿਆਂ ਦੀ ਅੱਗ ਵਿੱਚ ਨਾਹੁਣ ਨੂੰ ਕਰੇ..
ਹਾਇ ਓ ਰੱਬਾ ਤੇਰੇ ਕੋਲ ਆਉਣ ਨੂੰ ਕਰੇ..
ਜਾਂ ਤਾਂ ਸਾਰੇ ਕੂਲ਼ੇ ਜਜ਼ਬਾਤ ਮੋੜ ਲੈ
ਕਵਿਤਾ-ਕਹਾਣੀ ਦੀ ਸੁਗਾਤ ਮੋੜ ਲੈ
ਨਹੀਂ ਤਾਂ ਚਿੱਤ ਅੱਕੜੀ ਚਬਾਉਣ ਨੂਂ ਕਰੇ
ਹਾਇ ਓ ਰੱਬਾ
! ਤੇਰੇ ਕੋਲ ਆਉਣ ਨੂੰ ਕਰੇ..
ਚੜ੍ਹ ਕੇ ਆਕਾਸ਼
'ਤੇ ਨਾ ਪੀਂਘ ਟੁੱਟ ਜਾਏ
ਕਾਵਾਂ ਪਿੱਛੇ ਹੰਸਾਂ ਦੀ ਨਾ ਆੜੀ ਛੁੱਟ ਜਾਏ
ਬਲੀ ਤੇਰੇ ਦਰ 'ਤੇ ਚੜ੍ਹਾਉਣ ਨੂੰ ਕਰੇ..
ਹਾਇ ਓ ਰੱਬਾ
! ਤੇਰੇ ਕੋਲ ਆਉਣ ਨੂੰ ਕਰੇ..
ਕੁੰਡਾ ਤੇਰਾ ਹੁਣ ਖੜਕਾਉਣ ਨੂੰ ਕਰੇ
ਨਿੱਕੀ ਨਿੱਕੀ ਗੱਲੇ, ਦਿਲ
ਰੋਣ ਨੂੰ
ਕਰੇ
ਹਾਇ ਓ ਰੱਬਾ
! ਤੇਰੇ ਕੋਲ ਆਉਣ ਨੂੰ ਕਰੇ..
No comments:
Post a Comment